CST | O’quv dasturi

O’quv dasturi Biz o’quv jarayonini Kanada va xalqaro o'quv dasturlarini integratsiya qilgan holda amalga oshiramiz. O’qitish va ta’lim olishga bo’lgan yondashuvimiz innovatsion va noyob hisoblanadi, chunki biz raqamli ta'lim va loyiha asosida o'qitishni jahon talabiga javob beruvchi o'quv dasturimizga kiritganmiz.

Talabalar o'z tengdoshlari bilan individual ravishda va o’zaro hamkorlikda ishlaydilar, ular real hayotda uchraydigan muammolarni tushunish va hal qilishga intiladilar, musobaqalarda qatnashadilar va o'qish davomida samarali ta'lim loyihalarini amalga oshirishadi.

Biz o'quvchilarimizga o'zlari o'rganadigan narsalarni tanlash imkoniyatini beramiz, jumladan, asosiy va bilimlarni boyituvchi kurslar orqali o'zlari xohlagan ta'lim yo’nalishini davom ettirishlariga imkon beruvchi kurslar to'plamini taqdim etamiz. Ushbu kurslar va mashg’ulotlar robototexnika, Makerspace, multimedia, san'at, STEM, kodlash, dasturlash va boshqalarni o'z ichiga oladi!

Bizning asosiy o'quv rejamiz va uning kontenti asosan 1: 1 qurilmalari kabi raqamli platformalar orqali taqdim etiladi va bu bizning talabalarimiz o'rtasida o'rganishga bo'lgan ishtiyoqni uyg'otishga hissa qo'shadi. Aniq fanlar, matematika, texnologiya va ingliz tili fanlari boʻyicha McGraw Hill kontentining xalqaro oʻquv dasturimizga integratsiyalashuvi oʻquvchilarimiz orasida ijodkorlik, qiziquvchanlik va cheksiz bilim olish istagini uygʻotmoqda.

Talabalar ingliz tilini baholash natijalariga ko'ra qabul qilingan bo'lsalar-da, ular ingliz tilini puxta egallagan bo’lishlari shart emas, chunki bizda Kanada va mahalliy o'quv dasturlarini o'rgatish bo'yicha tan olingan xalqaro malakaga ega o'qituvchilar bor. Ingliz tilini o'rganishda qiyinchiliklarga duch kelgan har qanday bola o'z ko’nikmalarini tez fursatda oshirishi o’quv rejamizning bir qismiga aylanadi.

Biz maktabimizda ta'lim olayotgan har bir o'quvchi baxtli va mamnun bo'lishini hamda universitet hayoti va doimo o'zgarib turadigan dunyoda yuqori martabali shaxsga aylanishi uchun qo’ldan kelgancha harakat qilamiz.

Eng yaxshi oʻqituvchilar va taʼlim mutaxassislarini jalb qilish, raqamli taʼlimni joriy etish va talabalar muvaffaqiyatini taʼminlash uchun cheksiz imkoniyatlarni yaratish orqali biz jahon darajasidagi taʼlim muhiti uchun zamin yaratmoqdamiz.